Umnjaci, takođe poznati kao osmice ili treći molari, su poslednji zubi u nizu u našim ustima. Ponekad možemo imati problema sa ovim zubima koji se nalaze u zadnjem dijelu vilica, pa se srećemo sa pitanjem da li je popravka umnjaka moguća.
Zašto je potrebna popravka umnjaka?
Umnjaci mogu prouzrokovati različite probleme. Najčešći problemi uključuju impakciju umnjaka, karijes, infekciju i bol. Impakcija se dešava kada umnjak ne može pravilno izrasti i ostane zatvoren unutar desni.
To može uzrokovati infekciju i bol. Karijes na umnjaku najčešće nastaje zato što su umnjaci teško dostupni pranju. Kao posljedica dubokog karijesa, može se desiti i upala živca na umnjaku.
Kako se dijagnostikuje problem sa umnjacima?
Dijagnostikovanje problema sa umnjacima obavlja se obično tokom redovnih stomatoloških pregleda. Vaš stomatolog će koristiti rendgenske snimke kako bi procijenio položaj i stanje umnjaka.
Odluku o tome da li će se umnjak popravljati ili vaditi, donosimo tako što uzimamo više parametara. Ako je umnjak pravilno izrastao, ne izaziva infkeciju okolnih desni, dostupan je pranju i učestvuje u žvakanju, tada pristupamo popravci umnjaka.
Sa druge strane, ukoliko je umnjak nepravilno izrastao, izaziva stalne upale desni (perikoronitis), nije dostupan pranju i ne učestvuje u žvakanju, tada nema poente čuvati takav zub i vilici. U ovakvim slučajevima kažemo da je bolje izvaditi zub.
Popravka umnjaka: Šta možete očekivati?
Ukoliko odlučimo da umnjak vrijedi popravljati, sama procedura je ista kao i za bilo koju drugu popravku zuba.
Zašto ljudi zapravo imaju umnjake?
Uz primjenu anestezije, uklanja se karijes i postavlja kompozitna (bijela) plomba na zub. Jedino u slučajevima kada je karijes napredovao do živca, ponovo razmatramo da li postoje uslovi da se vađenje živca uradi pravilno, ili će zub ipak biti izvađen.
Popravka umnjaka može biti neophodna kako biste očuvali oralno zdravlje i spriječili bol i komplikacije. Redovne posjete stomatologu ključne su za pravovremeno otkrivanje problema sa umnjacima.
Izvor: Dr Bede
